दोलखाबाट जन्ती लिएर सिन्धुपाल्चोकको पिस्कर जाँदै गरेको बस दुर्घट्ना, ३ जनाको मृत्यु

दोलखा । सिन्धुपाल्चोकको तौथलीमा जन्ती बोकेको बस दुर्घटना भएको छ । दुर्घट्नामा ३ जनाको मृत्यु भएको छ । उक्त दुर्घटनामा मृत्यु हुनेमा मान बहादुर थामी, शिव श्रेष्ठ र दिपेन्द्र थामी रहेका छन् । सिन्धुपाल्चोकको त्रिपुरासुन्दरी गाउँपालिका वडा नम्बर ४ स्थित पिस्कर जान लागेको जन्ती बस शुक्रबार बिहान साढे सात बजे दुर्घटना भएको हो ।

सिन्धुपाल्चोकका प्रमुख जिल्ला अधिकारी झक्कप्रसाद आचार्यले दुर्घट्नाका घाईतेलाई उद्धार गरी अस्पताल पु¥याईएको बताए ।रोल्वालिङ यातायातको बा ४ ख ५६१६ नम्बरको बस दुर्घट्ना भएको हो । त्रिपुरासुन्दरी–५ का वडाध्यक्ष यादव श्रेष्ठले दुलहासहित ५२ जना घाइते भएको जानकारी दिए । उनका अनुसार दुलहासहित ३२ जना घाइते छन्।

गम्भीर घाइते पाँच जनालाई सहाबहार अस्पताल खाडीचौर लगिएको छ । घटनास्थलमा प्रहरी पुगेर उद्धार गरेको छ । घटनाबारे अनुसन्धान भइरहेको प्रहरीले जानकारी दिएको छ।