विश्वकप क्रिकेट खेल्न वेष्टईन्डिज पुगे सन्दीप लामिछाने

काठमाडौं । विश्वकप क्रिकेट खेल्न क्रिकेटर सन्दिप लामिछाने वेष्टईन्डिज पुगेका छन् । विश्वकप क्रिकेटका वेस्टइण्डिजमा हुने खेलहरुमा उनी सहभागी हुनेछन् । सन्दिपले वेष्टईन्डिज पुगेको फोटो आफ्नो फेसबुक वालमार्फत सार्वजनिक गरेका छन् ।

क्रिकेट एशोसिएसन अफ नेपाल (क्यान) का सचिव पारस खड्काले प्रेसनोट मार्फत वेस्टइण्डिजमा हुने खेलमा लामिछाने राष्ट्रिय क्रिकेट टोलीमा समावेश भएर खेल्ने जानकारी दिएका छन् । उनले दक्षिण अफ्रिका र बंगलादेशविरुद्धका खेल खेल्ने छन् ।

विश्वकप क्रिकेट २०२४ का खेलहरु अमेरिका र वेष्टइण्डिजमा भइरहेका छन् । नेपाली राष्ट्रिय टोलीका अरु सदस्यहरु अमेरिका गएर खेलिरहे पनि सन्दीपलाई अमेरिकाले भिसा दिएको थिएन ।

आईसीसीको समन्वयमा लामिछानेले वेष्टइण्डिजमा हुने खेल खेल्न लागेको क्यानले जनाएको छ । लामिछानेले प्रतिश जिसीको स्थान लिने छन् ।